İqor Getman “Zenit”lə oyundan danışdı: “Fədakarlığa görə uşaqlara minnətdaram”

“Biz böyük büdcəsi olan klubla qarşı oynadıq”.

Futbolxeber.az saytının məlumatına görə, bu sözləri “Neftçi”nin məşqçisi İqor Getman “Matç TV” turnirinin ilk turunda “Zenit”ə 1:3 hesabı ilə uduzduqları oyundan sonra deyib.

Mütəxəssis fədakarlığa görə futbolçularına minnətdarlığını bildirib: “Zenit”in iki bərabər heyəti var. Buna baxmayaraq, futbolçularıma minnətdaram. Onlar fədakarlıq etdilər. Demək olar ki, oyun planını yerinə yetirdilər”.

Getman matçın gedişində zədə alan qapıçı Aqil Məmmədovun durumuna da aydınlıq gətirib: “Aqil xəstəxanaya aparılıb. Orada müayinədən keçəcək. Həkimlərin dediyinə görə, ciddi bir şey yoxdu”.

Futbolxeber.az-ın teleqram kanalına abunə olun