“Bakı”nın keçmiş baş məşqçisi: “Azərbaycanla bağlı çox yaxşı xatirələrim var”

"Ölkənizlə bağlı çox yaxşı xatirələrim var. Bakı yadımda gözəl şəhər kimi qalıb".

Futbolxeber.az saytının məlumatına görə, bunu "Report"a müsahibəsində "Bakı" klubunun sabiq baş məşqçisi Bojidar Bandoviç Azərbaycandakı karyerası və həyatı barədə danışarkən deyib.

2012/2013 mövsümündə paytaxt təmsilçisinin sükanı arxasında olan monteneqrolu mütəxəssis bildirib ki, həmin vaxt əlində olan heyətlə normal işlər görüb: "Ölkə çempionatında pley-offa (həmin vaxt Premyer Liqada "altılıq" sistemi tətbiq olunurdu - red.) vəsiqə qazandıq. Yerli komandalardan "Qarabağ"ı yaxşı xatırlayıram. Hələ həmin dövrdə çox güclü kollektivə sahib idi".