25 Iyun 2024, Çərşənbə axşamı
"Qəbələ"də yeni məşqçi təyinatı
"Şamaxı"da portuqaliyalı qapıçı
Eddi “Neftçi”dən niyə getdi?
"Turan Tovuz"dan yeni transfer

Ölkə futbolu

"İnanıram ki, bu qələbədən sonra maliyyə baxımından köhnə "Qəbələ" qayıdacaq"

“Finalı kənardan izləmək çox çətin idi. Hətta deyərdim ki, oynamaq bundan asandır. Çox gərginlik, stress keçirdim. Təbii ki, bu oyunda meydanda olmağı mən də istərdim”.

Futbolxeber.az saytına müsahibəsində bu sözləri ədəli olduğu üçün kubokun finalını kənardan izləyən "Qəbələ"nin kapitanı Asif Məmmədov mükafatlandırma mərasimindən sonra deyib.

O, komandasının qələbəsini belə şərh edib: “Qalib gəldiyimiz üçün çox şadam. Oyuna yaxşı başladıq. İlk dəqiqələrdən görünürdü ki, qalib gəlməyimiz realdır. Yekunda da istəyimizə çatdıq. Komandamız kuboka layiq idi. Məğlub olsaydıq, çox üzülərdik”.

A.Məmmədov rəqibin 120 dəqiqə ərzində 1 real qol epizodu belə yarada bilməməsinə belə münasibət bildirib: “Razıyam ki, "Neftçi"nin oyunu alınmadı. Əgər komanda əsl gücünü göstərə bilsəydi, işimiz daha çətin olardı. Məncə, "Neftçi" bizlə müqayisədə daha həyəcanlı idi. Kuboku udmaq onlar üçün çox vacib idi. Nə olur olsun, mövsümü titulla başa vurmaq istəyirdilər. Rəqibdən fərqli olaraq bizdə gərginlik yox idi”.

O qeyd edib ki, “Qəbələ” Konfrans Liqasına vəsiqəni daha əvvəldən təmin etdiyi üçün matça rahat çıxıb: “     Artıq istəyimizə çatmışdıq, vəsiqəni təmin etmişdik. Ona görə də üzərimizdə basqı yox idi”.

Təcrübəli yarımmüdafiəçi finalın “Bakcell Arena”da keçirilməsinin onlara bir problem yaratmadığınl qeyd edib: “Meydan amilinin hər hansı bir təsiri olmadı. Azarkeş sayında da ciddi fərq yox idi. Daha əvvəl də "Bakcell Arena"da çox oynamışıq. Burada parlaq qələbələrimiz çox olub. Bu da onlardan növbətisidir”.

O, bu qələbədən sonra komandasının maddi durumunun daha da yaxşılaşacağına inanır: “İndi kubokun dadını çıxarmalıyıq. Yaxşı heyətimiz var, 1-2 yaxşı transfer etsək, Avropada da uğurlu çıxış edə bilərik. Mən inanıram ki, bu qələbədən sonra maddi baxımdan köhnə "Qəbələ" qayıdacaq. Buna inamım çoxdur”.

Asif Məmmədov vurğulayıb ki, daha bir mövsüm “Qəbələ”ninn uğurları üçün çalışacaq: “Bir müddət əvvəl ciddi zədə almağıma baxmayaraq, rəhbərlik sağ olsun, mənə dəstək oldu. Belə qərara gəldik ki, daha bir il futbolçu kimi "Qəbələ"yə xidmət edim”.

“Qırmızı-qaralar”ın kapitanı meydana nə zaman qayıdacağı barədə də söhbət açıb: “Konfrans Liqasının ilk mərhələyə 100 faiz hazır olmayacağam. Komandamız 1-2 mərhələ adlaya bilsə, yalnız o halda avrokuboklarda forma geyməyim mümkün olacaq”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30