"Pantiç dedi ki, şansını gözlə"

"Keçən dəfə sizinlə danışarkən demişdim ki, Pantiçlə söhbət edəcəyəm. Artıq onunla danışığımız olub". Futbolxeber.az saytına verdiyi açıqlamada bu sözləri "Bakı"nın futbolçusu Risto Ristoviç deyib.

Cari mövsümün ilk dövrəsi ərzində cəmi 5 dəqiqə meydanda olan və 7 oyunda adı prtokola düşməyən serbiyalı futbolçu oynamamasından narahatdır.

Ristoviç qeyd edib ki, Pantiç tezliklə ona özünü göstərmək üçün şans verəcəyini bildirib: "Pantiç dedi ki, şansını gözlə. Sənə də imkan yaradacağam. Təbii ki, ona inanıram, başqa əlacım da yoxdu, inanmalıyam".

"Dekabra kimi vəziyyət dəyişməsə, "Bakı"nı tərk edəcəksənmi" sualına isə Ristoviç konkret cavab vermədi: "İndi bu haqda danışmaq istəmirəm. Qarşıda xeyli vaxt var. Odur ki gəlin tələsməyək. İnanıram ki, hər şey yaxşı olacaq".