"Azərbaycana məğlubiyyət çox üzücüdü"

Norveçin 21 yaşadək futbolçulardan ibarət millisinin baş məşqçisi Trond Nordsteien millimizə məğlubiyyəti şərh edib. Futbolxeber.az-ın məlumatına görə, o, qeyd edib ki, millimiz hesabı bərabərləşdirdikdən sonra komandası özünü itirib: "Azərbaycana məğlubiyyət çox üzücüdü. İlk 60 dəqiqə ərzində yaxşı oynamasaq belə, hər şey qaydasında idi. Hesabı açdıqdan sonra 2-ci qolu vurmaq istədikdə Azərbaycan yığması hesabı bərabərləşdidi. Hesab 1:1 olan kimi komandamız özünü itirdi. Bununla da biz bütünlüklə oyuna nəzarəti əldən verdik. Heç də yaxşı oynamadıq. İndi biz araşdırmalıyıq ki, niyə belə qollar buraxdıq. Baş verənlər lap Makedoniya ilə oyunumuza bənzəyirdi. Hesab 1:1 olarkən komandamızda uduzmaq qorxusu qələbə əzmindən daha böyük idi. Belə matçdan sonra müsbət nə isə tapmaq çətindir. İndi məqsədimiz toparlanaraq İsraillə qarşılaşmada qalib gəlməkdir”.