"Qələbə qazanmaq istəyirik"

Sabah DÇ-2014-ün seçmə mərhələsi çərçivəsində millimizlə qarşılaşacaq Şimali İrlandiya yığmasının baş məşqçisi Maykl O`Nil bu gün mətbuat konfransı keçirib. Futbolxeber.az-ın məlumatına görə, O`Nil millimizin heyətində 3 futbolçunu fərqləndirib: "Bakıda qələbə qazanmaq istəyirik. Komandada ciddi problem yoxdur. Ancaq iki futbolçunun oynaması sual altındadır. Azərbaycan millisini yaxşı tanıyıram. Rəqibin heyətində Cihan Özkara, Rahid Əmirquliyev və Rauf Əliyev kimi futbolçuların adlarını çəkə bilərəm. Azərbaycan millisi ötən illərlə müqayisədə daha yaxşı çıxış edir. Sabahkı oyun hər iki komanda üçün vacibdir. Rəqibin səviyyəsinə gəlincə rəqibimizi Rusiya və Portuqaliya kimi komandalarla eyni səviyyədə görürük. Sabahkı oyunda əsasən gənc futbolçuları yoxlayacağıq. Təbii ki, qələbə qazanmaq istəyirik. Ancaq əsas məqsəd təcrübə toplamaqdır. Ona görə də seçmə mərhələni mümkün qədər yüksək pillədə bitirmək haqda düşünmürəm".