“Rəvan”ın oyunlarına getmirdim"

"Mənə vaxt lazımdı. 2,5 il bəlkə də Azərbaycan futbolundakı ən uzunmüddətli müqavilədi. Nəticə qazanmağımız üçün klubun prezidentindən tutmuş ən adi işçisinə kimi hamı birgə çalışmalıdı". Futbolxeber.az-ın məlumatına görə, bu sözləri "Rəvan"ın yeni baş məşqçisi Şahin Diniyev deyib. Bu gün "Rəvan"ın çalışdırıcısı kimi ilk dəfə medai önünə çıxan təcrübəli mütəxəssis əsas hədəflərinin yaxşı oyun sərgiləmək olduğunu bildirib: "Əsas hədəfimiz yaxşı oyun sərgiləməkdi. Yaxşı oyun olandan sonra, nəticə də olacaq. Yaxşı oyun olmayanda qazanılan nəticələr isə təsadüfi olur. Yaxşı oynamayıb, qalib gəlsək, rəqib həmkarımdan üzr istəyərəm. Kiçik uğurlar bizə lazım deyil. Əsas hədəf gələcəkdə daha böyük uğurlar qazana biləcək kollektiv yaratmaqdı".

Diniyev artıq "Rəvan"ın oyunlarını videoyazısını izlədiyini bildirib: "Sərəncamımda titullu futbolçum yoxdu. Kim daha yaxşı hazırlığa malik olacaqsa, o da oynayacaq. Etiraf edim ki, buna qədər “Rəvan”ın oyunlarına getmirdim. Bununla belə, oyunların videoyazılarına artıq baxmışam”.

QEYD: Foto Azerisport.com saytına məxsusdur