Junior Nildo poker etdi

Artıq üç gündür ki, Lənkərandakı bazasında hazırlığını davam etdirən “Xəzər Lənkəran” bu gün əvəzedici komandası ilə ikitərəfli oyun keçirib. Futbolxeber.az-ın məlumatına görə, üç hissədən ibarət görüşün hər hissəsi 30 dəqiqə olmaqla 90 dəqiqə davam etdi və əsas komandanın üzvlərinin bir çoxu növbə ilə əvəzedici komandanın heyətində çıxış etdi. Bu mənada sarı və yaşıl rəngə bölünən komandaların görüşündə “yaşıllar” 8-0 hesabı ilə qalib gəldi. Etame Mbilla, Benouahi, Elnur Abdullayev, Deyvid Sakkoninin fərqləndiyi görüşdə Junior Nildo da 4 dəfə toru silkələdi. Bu görüşlə Lənkərandakı hazırlığını yekunlaşdıran “Xəzər Lənkəran” günortadan sonra istirahətə buraxılacaq. Komanda oktyabr ayının 14-də Bakıda toplaşaraq “Simurq”la oyunun hazırlığına start verəcək.