Elhad Nəziri: "Məndən heç kim pul istəməyib" (Özəl)

Son günlər ölkə mətbuatında əsas müzakirə olunan məsələlərdən biri də millinin 3 futbolçusu - Emil Balayev, Ruslan Qurbanov və Elhad Nəziridən İsraillə heç-heçəyə görə verilən 30 min manat mükafatın AFFA tərəfindən 12 mininin geri istənilməsidir. Ruslan Qurbanov və Emil Balayev mətbuata verdikləri açıqlamada xəbəri təsdiqləsələr də, Nəziri tam fərqli açıqlama verdi. Belə ki, Futbolxeber.az saytına verdiyi müsahibədə gənc futbolçu məsələdən xəbərsiz olduğunu bildirdi: "Son günlər bu sualı çox eşidirəm. Amma ilk dəfə cavab verirəm ki, mən bundan xəbərsizəm. Bu məsələ ilə bağlı heç kim mənə müraciət etməyib və təbii ki, pul istəyən də olmayıb. Çox istərdim ki, bu açıqlamamdan sonra məsələyə nöqtə qoyulsun".