Romantsev: "Azərbaycan millisinin itiriləsi heç nəyi yoxdur"

Təcrübəli rusiyalı mütəxəssis Oleq Romantsev Rusiya millisinin qarşıdakı oyunları haqda danışıb. Futbolxeber.az-ın məlumatına görə, Romantsev millimizin Rusiya ilə matça rəqibdən daha rahat şəkildə çıxacağını qeyd edib: "Milli komandamız dünya çempionatına çox yaxındır. Məqsədə çatmaq üçün son iki addımı atmaq qalıb. Əminəm ki, Rusiya millisi Braziliyaya yollanacaq. Lakin heç bir halda arxayınlaşmaq olmaz. Çünki bizdən fərqli olaraq, Lüksemburq və Azərbaycanın itiriləsi heç nəyi yoxdur. Onlar oyuna daha rahat şəkildə çıxacaqlar. Psixoloji durumları da qaydasında olacaq. Odur ki ehtiyatı əldən verməməli, sona kimi diqqətli olmalıyıq".