Tsxadadze: "Bu məni sevindirməyə bilməz"

“İnter”in baş məşqçisi Kaxaber Tsxadadze komandanın Gürcüstanda keçirdiyi toplanış barədə fikirlərini bölüşüb. Futbolxeber.az-ın məlumatına görə, klubun rəsmi saytına verdiyi açıqlamada gürcü mütəxəssis hazırlıq prosesinin komandasına faydalı olacağını qeyd edib: "Futbolçulara yaxşı istirahət etmək müəssər oldu və hazırda yaxşı hazırlaşmaq üçün ixtiyarımızda kifayət qədər vaxt var. İlk iki gündə futbolçular çox yaxşı çalışdılar, sabah (bu gün) həmçinin iki məşqin keçirilməsi planlaşdırılır. Düşünürəm ki, şəraitin dəyişməsi bizə faydalı olacaq. Biz hər il buraya gəlirik və həmişə kifayət qədər yaxşı hazırlaşırıq. Toplanışın ilk günlərində futbolçuları böyük həcmli iş gözləyirdi, lakin onlar çox həvəslə işin öhdəsindən gəlirlər ki, bu da məni sevindirməyə bilməz. Məşqlər kifayət qədər məhsuldar keçir və bu, məni sevindirir. Belə çalışmaqda davam etsələr, o zamanda komanda mütləq artıracaq”.