FİFA rəsmisi: “Sərxan Hacıyevə Elxan Məmmədovun yolu ilə addımlamağı arzulayıram”

“Növbəti həftə Rövnəq Abdullayevin AFFA prezidenti seçilməsinin 15 ili tamam olacaq. Keçən il mən burada olanda sonuncu dəfə Elxan Məmmədov baş katib və vitse-prezident idi. Hazırda o, FIFA-da vacib vəzifədədir. Bu da təsadüfi deyil. Elxan Məmmədovun yüksək vəzifə tutması AFFA-dakı inkişafın göstəricisidir. Bir ildir ki, Sərxan Hacıyev baş katibdir. Elxan Məmmədov baş katib olanda UEFA-dakı ən gənc idarəçilərdən biri olub. Sərxan Hacıyevə də bu yolu addımlamağı arzulayıram”.

Futbolxeber.az saytının məlumatına görə, bunu AFFA-nın Konfransında çıxışı zamanı FİFA-nın Milli Assosiasiyalar departmentinin nümayəndəsi Heidi Behan

O, Azərbaycan futbolunda gələcəklə bağlı yaxşı planların olduğunu diqqətə çatdırıb: “Qadın, uşaq futbolu və s. 15 il öncə bu ölkəyə gələndə belə infrastrukturlar yox idi. UEFA olaraq dəstək olduq və məmnunuq ki, hazırda Azərbaycanda futbol infrastrukturu yüksək inkişaf yolundadır. Bu cür şəraitin olması UEFA və FIFA səviyyəli beynəlxalq yarışların keçirilməsi baxımından vacibdir. Təsadüfi deyil ki, Azərbaycanda bir çox beynəlxalq yarışlar keçirilib. UEFA Avropa Liqasının finalı, Avropa çempionatının oyunları və s. Sizin təcrübəli tədbir təşkilatçılarınız var”.