"İnter" Gürcüstanda hazırlıqlarını davam etdirir

“İnter” Gürcüstanın Tbilisi şəhərində təlim-toplanışı keçirir. Futbolxeber.az-ın məlumatına görə, hazırlıq planına əsasən, bu gün iki məşq baş tutub. Səhər məşqi “Olimpik” UGFM-nin meydançasında keçirilib. Məşq qaçış və isinmə hərəkətlərilə başlayıb, sonra futbolçular “stansiya” adlanan fiziki hərəkətləri yerinə yetiriblər. Bu tapşırıq məşğələlər və qapıya zərbələr seriyasını əhatə edir. Axşam məşqi “Lokomotiv” FK-nın təlim-məşq bazasında baş tutub. Bu məşğələdə futbolçular topla çalışıblar, sonra iki komandaya ayrılaraq ikitərəfli oyun keçiriblər. Qeyd edək ki, sabah da iki məşqin keçirilməsi planlaşdırılır.