"Qarabağ" Avropa səviyyəsində komandadır"

"Gent"in futbolçusu Jülyen de Start Konfrans Liqasının pley-off mərhələsində "Qarabağ"a qarşı evdə keçirəcəkləri cavab matçı haqqında fikirlərini bölüşüb.

Futbolxeber.az saytının məlumatına görə, 28 yaşlı yarımmüdafiəçi oyundan əvvəl təşkil olunan mətbuat konfransında deyib:

"Qarabağ" Avropa səviyyəsində bir komandadır. Onlar artıq bunu cari mövsümdə artıq sübut ediblər. Ehtiyatlı olmalıyıq. "Qarabağ" hücum keyfiyyətləri yüksək olan komandadır. Rəqibin sol cinahı xüsusilə təhlükəlidir. Oyunu səbirsizliklə gözləyirəm. Bu, karyeramda 30-cu avrokubok matçı olacaq. Ona görə də meydanda əlimdən gələni etmək üçün həvəsliyəm".

Qeyd edək ki, sabah keçiriləcək "Gent" - "Qarabağ" oyunu Bakı vaxtı ilə saat 00:00-da başlayacaq. Bu komandalar arasında ilk matç Ağdam təmsilçisinin 1:0 hesablı qələbəsi ilə yekunlaşıb.