“Kəpəz”in kapitanı: “Məğlubiyyətdən dərs çıxartmaq lazımdı”

“Bu gün oyunumuz heç cür alınmadı. Nəticədə də uduzduq. Bu məğlubiyyətdən dərs çıxartmaq lazımdı. Çünki sonuncu yerdən qurtulmaq üçün biz qələbələrə ehtiyac duyuruq”.

Futbolxeber.az saytına müsahibəsində bu sözləri “Kəpəz”in kapitanı Yusif Nəbiyev Azərbaycan Premyer Liqasının XXII turunda səfərdə “Turan Tovuz”a 0:2 hesabı ilə uduzduqları oyundan sonra deyib.

Müdafiəçi bu dəfə ötən tur “Qarabağ”a qarşı göstərdiklərini bu dəfə heç 20 faizini sərgiləmədiklərini bildirib: “Qarabağ”la öz meydanımızda və azarkeşlərimiz önündə oynayırdıq. Həmin matçla bugünkü görüş arasında çox fərq var idi. Bu gün həmin oyunumuzun heç 20 faizini göstərə bilmədik. Səbəb azarkeşlər yox, zəif oyunumuzdur”.

Fərəc ASLANOV