"Xəzər Lənkəran" Xaqani Məmmədovun cavabını lazımınca verdi

Hakimlər Komitəsinin sədri Xaqani Məmmədovun "Xəzər Lənkəran"ın baş məşqçisi Con Toşakı "savadsız" adlandırması cənubluların sərt şəkildə narazılığına səbəb olub. Futbolxeber.az-ın məlumatına görə, klubun mətbuat xidmətinin rəhbəri Hüseyn Cəbrayıloğlu rəsmi facebook səhifəsində Xaqani Məmmədova sərt şəkildə cavab verib: "Xaqani Məmmədov illər öncə biabirçı hakimlik edəndə, ailəsi, nəsli üzünə söyüləndə Con Toşak "Kral Klubu" olan "Real"da baş məşqçi idi. Xaqani Məmmədov Biləcəridən o yana keçə bilməyən futbolçular üçün ora-bura qaçıb, düdük çalanda Toşak dünya ulduzlarına məşqçilik edirdi. İndi Özbəkistanın pambıq sahələrinin dibində yatan Xaqani Məmmədov Toşaka savadsız deyir..."