Premyer Liqamızda mövsümün rekordu təkrarlandı

Azərbaycan Premyer Liqasında mövsümün ikinci yarısının startı yüksək məhsuldarlıqla əlamətdar olub. 

Futbolxeber.az saytının məlumatına görə, XIX turda ümumilikdə 18 qol vurulub. 

“Kəpəz” - “Qəbələ” (2:2), “Turan Tovuz” - “Qarabağ” (2:3), “Zirə” - “Sumqayıt” (3:1), “Şamaxı” - “Səbail” (2:1) və “Sabah” - “Neftçi” (2:0) matçlarının keçirildiyi turda orta məhsuldarlıq 3,60-a bərabər olub.

Bu, 2022/23 mövsümünün rekordunun təkrarıdır. Cari çempionatın II və VII turunda da 18 qol vurulub.

Qeyd edək ki, daha yüksək məhsuldarlıq sonuncu dəfə ötən mövsümün X turunda qeydə alınıb. 2021-ci il noyabrın 6-7-dəki turun 4 matçında 17 qol vurulub və orta göstərici 4,25-ə bərabər olub (pfl.az).