“Neftçi” “Medz Leqnisa”ya uduzdu

"Neftçi" Türkiyədəki təlim-məşq toplanışı çərçivəsində bu gün növbəti yoxlama oyununa çıxıb.

Futbolxeber.az saytının məlumatına görə, flaqman Polşanın “Medz Leqnisa” komandası ilə üz-üzə gəlib. 

Matçda hesabı təmsilçimiz açıb. Gənc hücumçu Ağadadaş Salyanski 15-ci dəqiqədə komandasını hesabda önə keçirib. Lakin Polşa klubu ikinci hissədə oyunda dönüş etməyi bacarıb. 49 və 53-cü dəqiqələrdə fərqlənən Angelo Rodrigez Polşa klubuna qələbə qazandırıb.  

Qeyd edək ki, "Neftçi" Antalyadakı ilk yoxlama matçında Macarıstan “Vaşaş”ı ilə heç-heçə edib (1:1). Komanda yanvarın 19-da  Serbiyanın “Srvena Zvezda” klubu ilə qarşılaşacaq.