Kapello: "Azərbaycanla oyun asan olmayacaq"

DÇ-2014-ün seçmə mərhələsi çərçivəsində oktyabrın 15-də millimizlə görüşəcək Rusiya yığmasının baş məşqçisi Fabio Kapello qarşıdakı oyun haqda danışıb. Futbolxeber.az-ın məlumatına görə, italiyalı mütəxəssis hələlik mundiala vəsiqə qazanmadıqlarını qeyd edib: "Deməzdim ki, Rusiya yığması artıq dünya çempionatının final mərhələsinə yüksəlib. Azərbaycan və Lüksemburqla qarşılaşmaları asan saymaq olmaz. Bütün rəqiblərə hörmətlə yanaşmalıyıq. Lakin etiraf edək ki, Braziliyaya vəsiqə qazanmaq üçün əla şanslarımız var. Belə bir şansı əldən buraxmaq axmaqlıq olardı”.