"Bu gün bizim günümüz olmadı"

“Rəqibi təbrik edirəm, komanda oturuşmuş heyətə malikdir. Fərdi səhvlər ucbatından 10 dəqiqəyə qapımızdan üç top buraxdıq". Futbolxeber.az-ın məlumatına görə, bu sözləri "Qarabağ"la oyundan sonra "Bakı"nın baş məşqçisi Milinko Pantiç deyib. Təcrübəli mütəxəssis komandasının fasilədən sonra yaxşı oynadığını qeyd edib: "İlk hissəni rəqibə “hədiyyə” etdik. İkinci hissədə özümüzə gəldik, Mindauqas Kalonasın 4-5 qol epizodu oldu. Təəssüf ki, bu gün bizim günümüz olmadı, top qapıdan keçmədi. İkinci hissədəki “Bakı” mən istəyən kimi oynadı. Yeni qurulan komandayıq, müdafiədə hər bir səhv bizə baha başa gəlir”.