Sadıqov: "Qələbəyə layiq oynadıq"

"Qələbəyə layiq oynadıq, heyf ki, qalib gələ bilmədik. 90 dəqiqə sürətli oyun göstəririksə, qol epizodları yaradırıqsa, bunun bəhrəsini görəcəyik". Futbolxeber.az-ın məlumatına görə, bu sözləri "Simurq"la oyundan sonra AZAL-ın baş məşqçisi Vaqif Sadıqov deyib. Təcrübəli mütəxəssis hesabda öndə olarkən nəticəni qorumağa çalışdıqlarını qeyd edib: "Komandaya tapşırmışdım ki, ikinci hissənin ilk 15 dəqiqəsində diqqətli oynasınlar. Müdafiəyə çəkildik, “Simurq” 5-6 dəqiqə oyuna nəzarə etdi və 11 metrlik cərimə zərbəsindən hesabı bərabələşdirdi. Hesabda öndə olanda ilk növbədə nəticəni qorumağa çalışırdıq. Hesab bərabərləşdikdən sonra meydanda tam başqa AZAL gördük. Mənim istədiyim kimi aqressiv futbol oynayan AZAL. İkinci hissədə 6 real qol epizodumuz oldu. Bugünkü oyunda əsas heyətin iki futbolçusunu itirdik. 4 oyundur ki, qələbə qazana bilməməyimiz bizə psixoloji təsir edir”.