“Qəbələ” - “Zirə”: 31-ci duel

Azərbaycan Premyer Liqasının XIII turunun ikinci oyun günündə “Qəbələ” öz meydanında “Zirə” ilə qarşılaşacaq.

Futbolxeber.az saytının əyalət təmsilçisinin saytına istinadən verdiyi məlumata görə, bu, iki rəqib arasında 31-ci duel olacaq.

İndiyədək komandalar 30 dəfə görüşüb. 11 qələbə qazanan “Qəbələ” 13 heç-heçə edib və 6 dəfə məğlub olub. Rəqib qapısına 40 qol vuran “qırmızı-qaralar” 26 top buraxıb. “Qəbələ”nin bu oyunlarda ən yaxşı bombardiri 4 qol vuran Aleksey Qaydır.

İndiyədək keçirilən 30 görüşdən 28-i çempionat, 2-si kubok çərçivəsində keçirilib. Premyer Liqada 9 dəfə rəqibini üstələyən əyalət təmsilçisi 13 matçdan 1 xalla ayrılıb. Digər 6 matçda Bakı klubu qələbə qazanıb. Bu oyunlarda 33 qol vuran “qırmızı-qaralar” 24 top buraxıb.

“Qəbələ” 15-ci dəfə “Zirə”ni öz meydanında qəbul edəcək. 5 qələbəsi olan meydan sahibləri 8 sülhə imza atıb və yalnız 1 dəfə uduzub. Doğma divarlar arasında 19 qol vuran komanda 10 top buraxıb.

Xatırladaq ki, sabah Qəbələ şəhər stadionunda keçiriləcək “Qəbələ” - “Zirə” matçı saat 15:00-da başlayacaq.