"Qarabağ" - "Frayburq": satışda 7 min bilet qaldı

UEFA Avropa Liqasının qrup mərhələsinin "Qarabağ" - "Frayburq" oyununa satışda cəmi 7000 bilet qalıb.

Futbolxeber.az saytının “Qarabağ”ın feysbuk səhifəsinə istinadən verdiyi məlumata görə, biletlərin qiyməti müvafiq olaraq 5, 20, 30, 75 və 100 manat təşkil edir.

30, 31, 37 və 38-ci sektorlara olan biletləri onlayn deyil, yalnız kassalardan almaq mümkündür.

Satış məntəqələri:

Tofiq Bəhramov adına Respublika stadionun kassalarında (11:00-dan 20:00-dək);

Iticket.az-ın satış məntəqələri (iticket.az-da onlayn satış);

Park Bulvardakı “Qarabağ” FK-nın Fan-Şopunda (11:00-dan 20:00-dək), eləcə də 28 mall və Gənclik mall ticarət mərkəzlərində (11:00-22:00).

Qeyd edək ki, noyabrın 3-ü keçiriləcək "Qarabağ" - "Frayburq" görüşü saat 21:45-də başlayacaq.