Baqa: "Tam olaraq günah məndədi"

Azərbaycan Premyer Liqasının IV turunun "Sumqayıt" - "Turan Tovuz" oyunundan (0:0) sonra meydan sahibi komandanın baş məşqçisi Aleksey Baqanın iştirakı ilə mətbuat konfransı keçirilib. Futbolxeber.az saytının məlumatına görə, təcrübəli mütəxəssis əvvəlcə heç-heçəni şərh edib:

- Qol imkanlarından yararlana bilmədik. Çox danışmaq istəmirəm. Yaxşı təşkilatlanmış komandaya qarşı oynadıq. Ələ düşən fürsətləri dəyərləndirməli idik.

- Start heyətiniz təəccüblü göründü. Daha hücuma meyilli heyət gözlənilirdi. 

- Ötən oyunla müqayisədə 2 dəyişiklik var idi. Aqressiv oynadıq.

- "Turan Tovuz"un heyətində 2 legioner var idi. Sizdə isə bu say 8-9-dur. Rəqib komanda cəmi 3-4 aydır, bir yerdədir. Siz deyirsiz ki, yaxşı təşkilatlanmış komandadır...

- Bizim də çox vaxtımız olmayıb. Gedənlər oldu, yenilər gəldi. Baxmaq lazımdır ki, yenilər neçə vaxtdır komandadır?

- Onlardan fərqli olaraq, sizdə kimin nə vaxt gəlməsinə, komandanın nə vaxt yığışmasına qərarı siz verirdiz axı...

- "Qarabağ"la oyunda yaxşı görünürdük? Hə. Bütün futbolçular üçün çətindir. Xal itirməyimizə don geyindirmək istəmirəm. Bəzi oyunçuları ötən turdan əvvəl görmüşəm. Bir məqam da var ki, ilk 3 turda güclü rəqiblərlə oynadıq. Yeni gələnlərimiz var. Onlar üçün bu ölkə, çempionat yenidir. Uyğunlaşamaları üçün vaxta lazımdır.

- Qol vurmaq üçün nə qədər vaxta ehtiyacınız var?

- Bu suala cavabım yoxdur.

- Komandanın gec yığışmasının günahkarı kimdir? Rəhbərlik, məşqçi, yoxsa jurnalistlər? 

- Jurnalistlərin heç bir günahı yoxdur. Bu, sizin işinizdir. Sizin mənə suallar verməyiniz xoşdur. Günahkar haqda heç nə deyə bilmərəm. Necə oldusa, belə alındı.

- 4 tura qol vura bilməmisiz. Bunun müxtəlif səbəblərini sadalayırsız. Baş məşqçi kimi bunda sizin günahınız nə qədərdir?

- Maraqlı sualdır. Tam olaraq günah məndədi.