“Sabah” üçün Kipr klubu

Növbəti mövsümə hazırlığı Bolqarıstanın Bansko şəhərində davam etdirən “Sabah”ın toplanış çərçivəsində qarşılaşacağı növbəti rəqib bəlli olub. 

Futbolxeber.az-ın klubun saytına istinadən verdiyi məlumata görə, paytaxt təmsilçisi Kiprin yüksək liqasında mübarizə aparan “Akritas Xlorakas” ilə qarşılaşacaq.

Görüş iyulun 26-da Bakı vaxtı ilə saat 19:30-da Banskoda baş tutacaq.

Qeyd edək ki, “Sabah” Bolqarıstan toplanışı çərçivəsində ilk yoxlama oyununu İsrailin “Hapoel” (Hadera) klubuna qarşı keçirib (0:1).