"Qarabağ"dan möhtəşəm qələbə

"Qarabağ" bu gün Çempionlar Liqasının 1-ci təsnifat mərhələsində "Lex"lə cavab oyununa çıxıb.

Futbolxeber.az saytıınn məlumatına görə, ilk matçda 0:1 hesabı ilə uduzan Ağdam təmsilçisi qapısında erkən qol görməsinə baxmayaraq, 5 dəfə fərqlənməklə möhtəşəm qələbə qazanıb.

II təsnifat mərhələsində Qurban Qurbanovun komandası İsveçrə "Sürix"i ilə üz-üzə gələcək. Komandalar arasında ilk görüş iyulun 20-də Bakıda, cavab matçı isə bir həftə sonra Sürixdə olacaq.

"Lex" isə mübarizəni Konfrans Liqasında davam etdirəcək.

 Çempionlar Liqası 

I təsnifat mərhələsi, cavab oyunu

12 iyul 

"Qarabağ" - "Lex" - 5:1

Qollar: Velde, 1 (0:1), Kadi, 14 (1:1), Ozobiç, 42 (2:1), Medina, 56 (3:1), Kadi, 74 (4:1), Abbas Hüseynov, 77 (5:1)

İlk oyun - 0:1

Baş hakim: Endryu Medli (İngiltərə)

Tofiq Bəhramov adına Respublika Stadionu