“Qəbələ” “Zirə”ni məğlub etdi

Yeni mövsümün hazırlığını davam etdirən “Qəbələ” növbəti yoxlama oyununu keçirib.

Futbolxeber.az saytının məlumatına görə, “Qırmızı-qaralar” Bakı Olimpiya Stadionunun ehtiyat meydançasında “Zirə” ilə üz-üzə gəlib.

Elmar Baxşıyev qarşılaşmada aşağıdakı start “11-liy”inə şans verib: Nicat Mehbalıyev, Urfan Abbasov, Murad Musayev, Məqsəd İsayev, Ehtiram Şahverdiyev, Kamal Mirzəyev, Asif Məmmədov, Emil Səfərov, Yaovi Akakpo, Rövlan Muradov, Ülvi İsgəndərov.

Matç “Qəbələ”nin qələbəsi ilə başa çatıb. 2:1 hesabı ilə rəqibini üstələyən “qırmızı-qaralar” bundan əvvəl “Zirə”dən alınan 0:3 hesablı məğlubiyyətinəvəzini çıxıb.

Qeyd edək ki, Bakı toplanışında “Qəbələ” həmçinin, “Səbail” üzərində də 3:2 hesablı qələbə qazanıb.

Yoxlama oyunu

30 iyun

“Qəbələ" - "Zirə" - 2:1

Qollar: Yaovi Akakpo, 10, Kamal Mirzəyev, 87 // Velvis Santos, 59