"Sabah"ın bütün rəqibləri müəyyənləşdi

“Sabah”ın Tbilisi toplanışı çərçivəsində qarşılaşacağı rəqiblər bəlli olub.

Futbolxeber.az-ın klubun rəsmi saytına istinadən verdiyi məlumata görə, komanda Gürcüstanda yerli klublarla qüvvəsini sınayacaq.

İlk rəqib “Şukura” olacaq. Kobuleti təmsilçisi ilə qarşılaşma iyulun 20-də keçiriləcək. Ramin Quliyevin komandası növbəti oyununu iyulun 23-də “Samqurali”yə qarşı keçirəcək. “Sabah” Tbilisi toplanışında son matçında “Saburtalo” ilə üz-üzə gələcək. Görüş iyulun 28-də olacaq.

Qeyd edək ki, "Sabah" Gürcüstan paytaxtına bu gün yola düşəcək. “Ağ-göylər” Bakıya iyulun 29-da qayıdacaq.