Ramin Quliyev: “Sevindirici haldı ki...”

“Sabah”ın baş məşqçisi Ramin Quliyev "Zirə" ilə yoxlama oyunundan sonra fikirlərini bildirib.

Futbolxeber.az saytının məlumatına görə, o, qolsuz bərabərliklə başa çatan görüşü belə şərh edib:

"İlk matçımız idi. İki fərqli hissə izlədik. Futbolçuların geridə qalan 7-8 günlük hazırlıq müddətində fiziki durumlarının necə olmasını görmək istəyirdik. Sevindirici haldı ki, hər iki hissədə fiziki baxımdan istədiyimizi ala bildik. Ən əsası, şükürlər olsun ki, heç bir zədə olmadı".