“Neftçi”nin büdcəsi artırılır

Arxada qoyduğumuz mövsümü qızıl medalla başa vuran “Neftçi”nin büdcəsində artım olacaq.

Futbolxeber.az saytının məlumatına görə, son, 2020/2021 mövsümündə əsas komandanın 40 faiz azaldılan büdcəsi növbəti mövsümdən etibarən yenidən əvvəlki məbləğə qaytarılıb. 

Klubun sponsoru bununla kifayətlənməyərək, komandaya daha bir bonus oksigeni yaradıb. Belə ki, qitəmiqyaslı yarışlarda iştiraka görə UEFA tərəfindən kluba ödəniləcək məbləğ də son qəpiyinədək büdcəyə əlavə ediləcək. Bu da “uğurlu çıxış et, komandan güclənsin” anlamına gəlir.

Hər halda, artıq indidən əminliklə  demək olar ki, “ağ-qaralar” son mövsümlə müqayisədə daha güclü olacaqlar... Ən azı büdcə sarıdan (Sport24.az).