Tsxadadze: "Biz əlimizə düşən imkanlardan istifadə edə bilmədik"

“Maraqlı, şən oyun oldu. Oyunun taleyini futbolçuların fərdi ustalığı həll etdi". Futbolxeber.az xəbər verir ki, bu sözləri "Neftçi" ilə oyundan sonra "İnter"in baş məşqçisi Kaxaber Tsxadadze deyib. Gürcü mütəxəssis əllərinə düşən imkanlardan yararlana bilmədiklərini söyləyib: "Neftçi” cərimə zərbəsindən möhtəşəm qol vurdu. Təəssüf ki, biz əlimizə düşən imkanlardan istifadə edə bilmədik. Qarşıda 8 oyunumuz var. Son ötürmələrdə, psixoloji və texniki məsələlərdə axsayırıq. “Neftçi”yə 2-0 uduzanda bizi bir çox göstəricilərə görə üstələmişdilər. Bu gün isə elə deyildi. Oyunun sonlarına yaxın daha çox tələsirdik, bu da ötürmələrdə səhvlərlə nəticələnirdi”