"İnter”lə 10 oyun da oynasam, hamısında qalib gələrəm"

“Çox maraqlı oyun oldu. Premyer Liqadakı 17 günlük fasilədən sonra belə oyun alınırsa, fasilə olmasa necə oyun olacağını təsəvvür edin". Futbolxeber.az-ın məlumatına görə, bu sözləri "İnter"lə oyundan sonra "Neftçi"nin baş məşqçisi Böyükağa Hacıyev deyib. Təcrübəli mütəxəssis bildirib ki, "İnter"lə 10 oyun oynasalar, hamısında qalib gələrlər: "12 futbolçumuz milli komandalarda idi. Komandanı iki gün öncə tam yığa bilmişik. Futbolçuların əzmkarlığından razı qalsam da, ustalıqda bir az “axsadıq”. “İnter”lə 10 oyun da oynasam, hamısında qalib gələrəm. Çünki, mən “İnter”i tam öyrənmişəm. Kaxaber Sxadadze yaxşı məşqçidir, onun əlində olan futbolçular budur. “İnter”in necə qol vurduğunu bilirəm, ağıllı məşqçi bu yolu tapıb bağlasa “İnter” qol vura bilməyəcək”.