”Xəzər Lənkəran” Bakıya yola düşdü

Azərbaycan premyer liqasının VII turu çərçivəsində bazar günü AZALın qonağı olacaq “Xəzər Lənkəran” Lənkərandakı hazırlığını başa vurdu. Futbolxeber.az-ın məlumatına görə, bu gün səhər məşqini əsas meydançada keçirən komanda saat yarımlıq hazırlığını tamamlayıb paytaxta yola düşdü. Səhər məşqində əsasən taktiki çalışmaları yerinə yetirildi və zədəli futbolçu Adrian Skarlatake hələ ki, komanda ilə birgə hazırlığa qatıla bilmir. Bu gün paytaxta çatdıqdan sonra istirahətə buraxılacaq “Xəzər Lənkəran” sabahdan etibarən “Bayıl Arena”nın süni örtüklü meydançasında AZALla oyunun Bakı hazırlığına start verəcək. İki gün adıçəkilən arenada məşqlərini keçirəcək komanda şənbə günü matçın keçirələcəyi meydanda, Mərdəkanda oyunöncəsi son məşqinə çıxacaq.