Erik Ramos: "Sumqayıt"ı qiymətləndirməmək olmaz"

“Neftçi” PFK-nın futbolçusu Erik Ramos Premyer Liqanın 7-ci turu “Sumqayıt”la keçiriləcək oyunla bağlı danışıb. Futbolxeber.az-ın məlumatına görə, klubun rəsmi saytına verdiyi açıqlamada paraqvaylı futbolçu rəqibi qiymətləndirməli olduqlarını vurğulayıb: “Ötən mövsüm “Sumqayıt” klubu ilə səfər matçında uduzmuşduq. Bu bir daha onu göstərir ki, rəqibi qiymətləndirməmək olmaz. “Sumqayıt” gənc futbolçulardan təşkil edilmiş güclü komandadır. Düzdü, mən cəzalı olduğum üçün bu oyunda meydana çıxa bilməyəcəm. Bununla belə “Neftçi”də mənim mövqeyimdə layiqincə çıxış edə biləcək futbolçular var. Məşqçilər korpusunun kimə şans verəcəyindən asılı olmayaraq məqsədimiz qələbə qazanmaqdır. İnanıram ki, komanda yoldaşlarım gözəl oyun nümayiş etdirib azarkeşlərimizə qələbə sevinci yaşadacaq”.