Elmar Baxşıyev: “Komandama deyə bilmərəm ki, hücuma getməyin”

Azərbaycan Premyer Liqasının XIX turu çərçivəsində evdə “Səbail”lə 1:1-lik bərabərliyə qalan “Qəbələ”nin baş məşqçisi Elmar Baxşıyev mətbuat konfransı keçirib.

Futbolxeber.az saytının məlumatına görə, gənc mütəxəssis əvvəlcə oyun haqda fikirlərini bölüşüb.

- “Səbail” çempionatın ağır komandalarından biridi. Rəqib az qol imkanı verir. Komandadan razı qaldım. Müəyyən qüsurlar var, bunu daxildə müzakirə edəcəyik.

- Qələbə qazanmağınıza nə mane oldu?

- Hesab etmirəm ki, xal itirdik. Hər bir komanda istənilən rəqibdən xal ala bilər. Hər bir oyunun təzyiqi fərqlidi.

- Buraxdığınız qol epizodunu şərh edərdiniz. Meydanın 60 metrində bir futbolçunuz belə yox idi.

- Künc zərbəmizdən istifadə etmək istəyirdik. Mən komandama deyə bilmərəm ki, hücuma getməyin. Sadəcə, ötürmədə kiçik səhvə yol verdik. Səhv olmasa, heç kim qol vura bilməz.

- Cavid Hüseynovun ad günü idi deyə meydana buraxdınız?

- Xeyr, Cavid oyunu gücləndirdi. Elə onun oturməsindən sonra da qol vurduq (sport24.az).