“Sumqayıt”ın məşqçisi: “Uşaqlar sona qədər mübarizə apardı”

“Sumqayıt”ın məşqçisi Elnur Çodarov Azərbaycan Premyer Liqasının 13-cü turunda evdə “Sabah”a uduzduqları oyunu şərh edib.

Futbolxeber.az saytının məlumatına görə, o, mətbuat konfransında 1:2 hesablı məğlubiyyət haqda bunları deyib:

“Oyuna hazırlaşmışdıq. İstəyirdik ilin son oyununda qələbə qazanaq. Hava şəraiti, zədəlilər, virusla bağlı məsələlərə görə alınmadı. Uşaqlar sona qədər mübarizə apardı. Baş məşqçinin, həmçinin, Xocaniyazov və Xaçayevin olmaması təsirini göstərdi”.

Xatırladaq ki, "Sumqayıt"ın baş məşqçisi Ayxan Abbasov ötən gecə səhhəti pisləşdiyi üçün bugünkü oyunda komandasının yanında ola bilməyib.