De Byazi: “Toya getmək asandı, yasa getmək yox”

“Kimsə “Real”ı, Belçika və ya İngiltərə millisi çalışdırmaq istəyir. Mən isə Azərbaycan yığmasının baş məşqçisiyəm və bundan məmnunam”.

Futbolxeber.az saytının məlumatına görə, bu sözləri CBC Spor kanalında yayımlanan “Təkbətək” proqramında Rüstəm Əfsərlinin suallarını cavablandırarkən milli komandamızın baş məşqçisi Canni De Byazi deyib.

İtaliyalı mütəxəssis bildirib ki, Azərbaycan millisində uğur qazanmaq üçün hamı bir olmalıdır:

“Azərbaycan millisində bütün bilik və bacarığımı göstərəcəm. Azərbaycan millisinin uğur qazanmasını istəyirəm. Lakin uğur qazanmaq üçün birlik lazımdı. Oyunçularla yanaşı, hamı əlini uzatmalıdı. Toya getmək asandı, yasa getmək yox. Çalışıb yaxşı oynamalıyııq ki, küçəmizdə həmişə toy olsun. Dəstəksiz bunu eləmək mümkün deyil".