Millimiz Lüksemburqla oyunun hazırlığına nə zaman başlayacaq?

Milli komandamızın növbəti təlim-məşq toplanışının vaxtı məlum olub.

Futbolxeber.az saytının məlumatına görə, bu haqda yığmamızın yeni baş məşqçisi Canni De Byazinin köməkçisi Alessandro Skayya İtaliya mətbuatına açıqlama verib.

De Byazinin korpusunda fikizi hazırlıq üzrə məşqçi kimi yer alacaq italiyalı mütəxəssis yeni işi ilə bağlı danışarkən millinin hazırlıq prosesinin başlanacağı tarixi də açıqlayıb:

“Millətlər Liqasında Lüksemburqa qarşı debüt oyununun sentyabrın 5-də keçiriləcəyini nəzərə alaraq, toplanışın startı avqustun 28-nə təyin edilib. Ancaq hələ ki, avqustun 5-dək ölkədə koronavirus pandemiyası ilə bağlı məhdudiyyətlər var", - deyə o bildirib.

Qeyd edək ki, millimiz sentyabrın 5-də evdə Lüksemburq, üç gün sonra səfərdə Kiprlə üz-üzə gələcək.