Tural Axundov: “Elə söz demişəmsə, qoy sübut etsinlər”

“Yalan söhbətdi. Mən elə söz deməmişəm. Əgər həqiqətən də elə söz demişəmsə, qoy sübut etsinlər”.

Futbolxeber.az saytına açıqlamasında bu sözləri “Neftçi”nin sabiq üzvü Tural Axundov deyib.

Mətbuatda Axundovun “Neftçi”nin baş məşqçisi Füzuli Məmmədovla haqda sərt ittihamı yer alıb: “Füzuli kimdir ki, futbolçular barədə qərar versin, məni çıxarsın”.

Lakin futbolçu adından yazılan fikirlərin ona məxsus olmadığını bildirir: “Nədənsə çəkinəcəyim yoxdur. Əgər elə bir fikir səsləndirsəydim, danmazdım bunu. Mən elə söz deməmişəm. Bilmirəm ki, bu söz hardan çıxıb”.  

T.Axundov vurğulayıb ki, “Neftçi” heç kimlə problemi olmayıb: “Neftçi” ilə müqaviləm başa çatdı. Klubdan da yeni təklif gəlmədi. Belədə yollarımızı ayırdıq. Baş məşqçi ilə də, klub rəhbərliyi ilə də aramda heç bir problem olmayıb”.

Təcrübəli müdafiəçi bildirib ki, tezliklə yeni klubunun adı məlum olacaq: “Hazırda danışıqlar gedir. İnşAllah 2-3 günə hər şeyə aydınlıq gələcək”.