AFFA 4 klubu cərimələdi

Bu gün AFFA İntizam Komitəsinin iclası keçirilib.

Futbolxeber.az-ın AFFA-nın rəsmi saytına istinadən verdiyi məlumata görə, 1 noyabr 2019-cu il, 2019/2020 mövsümündə XXVIII Premyer Liqanın X turunun “Neftçi” – “Qarabağ” matçında “Qarabağ” klubunun 4 futbolçusu sarı vərəqə ilə cəzalandığı üçün klub 800 manat cərimə olunub.

3 noyabr 2019-cu il, 2019/2020 mövsümündə XXVIII Premyer Liqanın X turunun “Qəbələ” - “Sabah” matçında “Sabah” klubunun 4 futbolçusu sarı vərəqə ilə cəzalandığı üçün klub 800 manat cərimə olunub.

3 noyabr 2019-cu il, 2019/2020 mövsümündə XXVIII Premyer Liqanın X turunun “Zirə” - “Sumqayıt” matçında “Zirə” klubunun 5 futbolçusu sarı vərəqə ilə cəzalandığı üçün klub 800 manat cərimə olunub.

“Zirə” komandası oyunun AFFA nümayəndəsini və hakim-inspektorunu tələb olunan yerlə təmin etmədiyinə görə klub 800 manat cərimə olunub.

Oyunun ikinci hissəsi “Zirə” klubu üzündən 2 dəqiqə gec başladığına görə klub 2400 manat cərimə olunub.

2 noyabr 2019-cu il, 2019/2020 mövsümündə XXVIII Premyer Liqanın X turunun “Səbail” - “Keşlə” matçı “Səbail” klubu üzündən 3 dəqiqə gec başladığına görə klub 2400 manat cərimə olunub.

Oyun başa çatdıqdan sonra “Səbail” klubunun 7 №-li futbolçusu Fəhmin Muradbəyli hakimlər otağına daxil olduğuna görə klub 1600 manat cərimə olunub.