“Düdelanj” azərbaycanlılardan üzr istədi

“Düdelanj” Avropa Liqasının qrup mərhələsinin ikinci turunda “Qarabağ”la matçda baş verən erməni təxribatına görə Ağdam klubundan üzr istəyib.

Futbolxeber.az saytının məlumatına görə, klubun rəsmi Tvitter hesabında üzrxahlıq edilərək bunlar yazılıb:

“Azərbaycanlı qonaqlardan üzr istəyirik. Bizim bu təxribatla heç bir əlaqəmiz yoxdur. Araşdıracağıq”.

Xatırladaq ki, matçın 31-ci dəqiqəsində separatçı "Dağlıq Qarabağ" rejiminin bayrağı dronla meydançanın üzərinə gətirildikdən sonra stadionda ara qarışıb və görüşdə bir neçə dəqiqə fasilə yaranıb.