“Qarabağ”ın oyununda erməni təxribatı

“Qarabağ” erməni təxribatı ilə üzləşib.

Futbolxeber.az saytının məlumatına görə, xoşagəlməz hal Ağdam klubunun Avropa Liqasının qrup mərhələsinin 2-ci turunda səfərdə “Düdelanj”a qarşı keçirdiyi oyunda baş verib.

Belə ki, Lüksemburqdakı görüşün 31-ci dəqiqəsində - “Qarabağ”ın ikinci qolundan sonra meydançanın üzərində separatçı "Dağlıq Qarabağ" rejiminin bayrağı dronla havalandırılıb. “Qarabağ”ın futbolçuları dərhal buna kəskin etirazlarını bildiriblər. Xoşagəlməz olaydan sonra baş hakim matçı yarımçıq dayandırıb.

Qeyd edək ki, oyun dayanarkən “Qarabağ” 2:0 hesabı ilə öndə idi.