“Qarabağ”dan “Düdelanj”a 4 qol

UEFA Avropa Liqası turnirində mübarizə aparan "Qarabağ" bu gün qrup mərhələsində ikinci oyununu keçirib.

Futbolxeber.az saytının məlumatına görə, Ağdam klubu Lüksemburqda “Düdelanj”ın qonağı olub.

Rəqibini 4:1 hesabı ilə darmadağın edən "Qarabağ" cari mövsüm qrup mərhələsində ilk qələbəsini, ilk xallarını qazanıb. 

Qeyd edək ki, matçın ilk yarısında erməni təxribatı ucbatından 20-25 dəqiqəlik fasilə yaranıb.

Qrupun digər oyununda "Sevilya" APOEL-i 1:0 hesabı məğlub edib. Bu nəticələrdən sonra "Sevilya" 6 xalla qrupun lideridir. "Qarabağ" isə 3 xalla ikinci pillədə qərarlaşıb. Növbəti turda Ağdam klubu Bakıda xalsız APOEL-i qəbul edəcək. 

UEFA Avropa Liqası

Qrup mərhələsi, II tur

3 oktyabr

“Düdelanj” (Lüksemburq) - “Qarabağ” (Azərbaycan) 1:4 

Qollar: Zubir, 11 (0:1), Miçel, 30 (0:2), Almeyda, 37-pen (0:3), Kintana, 69 (0:4), Bernier, 90 (1:4)

Qırmızı vərəqə: Qaros, 62 ("Düdelanj")

Baş hakim: Con Biton (Şotlandiya)

Lüksemburq. "Stade Josy Barthel"