"Neftçi"nin potensial rəqibləri: PSV, “Feyenord”, “Trabzonspor”, “Espanyol”...

"Neftçi"nin UEFA Avropa Liqasının pley-off mərhələsindəki potensial rəqibləri müəyyənləşib.

Futbolxeber.az saytının məlumatına görə, paytaxt təmsilçisi III təsnifat mərhələsində İsrailin "Bney Yehuda" klubunu mübarizədən kənarlaşdıracağı təqdirdə, püşkatmada “səpələnməmişlər” səbətində yer alacaq.

Bu isə "Neftçi"nin avqustun 5-də keçiriləcək püşkatmada nisbətən reytinqi yüksək olan, “səpələnmişlər” səbətindəki komandalardan biri ilə düşəcəyi deməkdir.

"Neftçi" - "Bney Yehuda" cütünün potensial rəqibləri:

“Hoqesun” (Norveç) - PSV (Hollandiya)

“Sparta” (Çexiya) - “Trabzonspor” (Türkiyə)

“Antverpen” (Belçika) - “Viktoriya” (Çexiya)

“Brondbyu” (Danimarka) - “Braqa” (Portuqaliya)

AEK (Kipr) - “Gent” (Belçika)

“Legiya” (Polşa) - “Atromitos” (Yunanıstan)

“Vaduts” (Lixtenşteyn) - “Ayntraxt” (Almaniya)

“Styaua” (Rumıniya) - “Mlada Boleslav” (Çexiya)

“Feyenoord” (Hollandiya) - “Dinamo" (Gürcüstan)

“Lütsern” (İsveçrə) - “Espanyol” (İspaniya)

“Malmö” (İsveç) - “Zrinski” (Bosniya və Herseqovina)

“Partizan” (Serbiya) - “Yeni Malatyaspor” (Türkiyə)

“Pünik” (Ermənistan) - “Vulverhempton” (İngiltərə)

Qeyd edək ki, UEFA-nın qərarına əsasən Ermənistan klubları Azərbaycan, Rusiya klubları isə Ukrayna təmsilçiləri ilə qarşılaşa bilməz.