Millimizin üzvü klubunda qalacaq, yoxsa xaricə yollanacaq?

"Sumqayıt"ın futbolçusu Aleksey İsayevin qarşıdakı mövsümə hansı komandada başlayacağı hələ dəqiq deyil.

Futbolxeber.az saytının məlumatına görə, milli komandamızın da formasını geyinən İsayevə ölkə xaricindən təkliflər var.

Qışda "Neftçi" və "Qarabağ"ın maraq dairəsində yer alan İsayevin Avropa ölkələrindən birinə yollanmaq ehtimalı var. Amma bu heç də asan olmayacaq. Belə ki, İsayevin "Sumqayıt"la müqaviləsi olduğundan klub yalnız onu müəyyən məbləğ qarşılığında satacaq. İsayev ölkə xaricinə yollansa da, Azərbaycan millisindəki çıxışına davam etmək istəyir. Ona görə də yollanacağı ölkədə də azərbaycanlı kimi oynayacaq. 

Lakin hələ ki, İsayev istirahətdədi və onun öncə "Sumqayıt"da toplanışa başlayacağı gözlənilir.