Kosovalı forvard: "Azərbaycanla görüşə istirahət üçün çıxacağımıza inanıram"

Türkiyənin "Rizespor” klubunun formasını geyinən Vedat Muriki Malta və Azərbaycana qarşı keçirəcəkləri görüş haqda danışıb.

Futbolxeber.az saytının məlumatına görə, Kosova millisinin forvardı bunları deyib: "Qrupdan çıxacağımızı gözləyirik və buna optimist yanaşırıq. Hazırda komandanın bir hissəsi məşq etdi, bir gün əvvəl oyun keçirənlər yoxdu. Yaxın günlərdə toplanışı başa vuracağıq. Yaxşı hazırlaşaraq, Maltada pley-off mərhələsinə vəsiqə qazana biləcəyimizə, vətənə qayıtdıqdan sonra isə Azərbaycanla görüşə istirahət üçün çıxacağımıza inanıram.

Yaxşı və pis oynamasından asılı olmayaraq, hücumçunun əlinə qol vurmaq üçün fürsət düşür. Malta ilə son matçımızda bir neçə imkanım olub. Amma millidə qolu kimin vurmasının önəmi yoxdur. Əsas məsələ qalib gəlmək və komanda şəklində irəliləməkdir”.