"Olimpiya"nın baş məşqçisi: "Qarabağ"ın çox güclü heyəti var"

Çempionlar Liqasının birinci təsnifat mərhələsində “Qarabağ”ın rəqibi olan “Olimpiya” bu matçlarda iddialıdı.

Futbolxeber.az saytının məlumatına görə, Sloveniya mətbuatına açıqlama verən Lyublyana təmsilçisinin çalışdırıcısı İliya Stoliça bunları deyib: “Ötən mövsüm “Olimpiya” cəmi üç matçda məğlub olub. Ona görə də biz ən azından bu nəticəni təkrarlamaq istəyirik. Planlarımızda avrokuboklarda uğurlu çıxış etmək də var. Çempionlar Liqasında bizə çox çətin rəqib düşüb. “Qarabağ” Çempionlar Liqasının qrup mərhələsində oynayıb. Bu artıq çox şey deməkdi. Azərbaycan klubunun çox güclü heyəti var. Ancaq bizim aktiv azarkeşlərimiz, klubun əla strukturu və komandada əla oyunçular var. Yeni gələnlər də komandaya kömək etməlidi. Demək olar ki, komandanın hər mövqeyinə səviyyəli transfer lazımdı. Yalnız bu bizim məqsədə çatmağımıza kömək ola bilər”.