Rövnəq Abdullayev: "Qurban Qurbanov ən azı 6 il millidə olacaq"

"Hamını salamlayıram. İcraiyyə Komitəsinin iclası başa çatdı. Yekdil qərarla baş məşqçi vəzifəsinə Qurban Qurbanov təyin edildi. Onu təbrik edirəm və uğurlar arzulayıram".

Futbolxeber.az saytının məlumatına görə, bu sözləri AFFA-nın prezidenti Rövnəq Abdullayev AFFA İcraiyyə Komitəsinin bugünkü iclasından sonra keçirilən brifinqdə deyib. Daha sonra R.Abdullayev jurnalistlərin suallarını cavablandırıb.

- Qurban Qurbanovun İcraiyyə  Komitəsinə üzvlüyü  qalacaq?

-Bəli, qalacaq.

- Tahir Gözəl demişdi ki, Qurban Qurbanovu miliyə bir şərtlə buraxarıq ki, "Qarabağ"da da işləsin.

- Qurban Qurbanov "Qarabağ"da qalacaq. Baza "Qarabağ" olacaq. Premyer Liqanın bütün klubları ilə işləyəcək. Bu, onun xeyirinə olacaq.

- Müqavilənin müddəti nə vaxta qədərdi?

- Qurban Qurbanov ən azı 6 il millidə qalacaq. Sistem qurulmalıdır. Bütün oyunçuların hazırlıq sistemi mərkəzdən idarə olunmalıdır.