“Qəbələ”: 1 qələbə, 1 məğlubiyyət

Litvanın paytaxtı Vilnüsdə keçirilən “Ateitis Cup” turnirinə start verilib.

Futbolxeber.az saytının məlumatına görə, yarışda qüvvəsini sınayan “Qəbələ”nin 14 yaşadək futbolçulardan ibarət komandası ilk oyun günündə iki matç keçirib.

C qrupunda mübarizə aparan “qırmızı-qaralar” ilk turda Litvanın “Vilnüs” komandasını sınağa çəkiblər. Sərxan Mirzəzadənin dubl etdiyi görüşdə “Qəbələ” 2:0 hesabı ilə qalib gəlib.

Ülfət Mədətovun baş məşqçisi olduğu komanda ikinci matçını Latviyanın “Dauqavpils” komandasına qarşı keçirib. Təmsilçimiz meydandan 0:1 hesablı məğlubiyyətlə ayrılıblar.

Xatırladaq ki, “Qəbələ” qrup mərhələsinin növbəti iki oyununu bu gün keçirəcək. “Qırmızı-qaralar” Finlandiyanın “Maski” və Belarusun “Smena” komandaları ilə qarşılaşacaq.