“Qarabağ”dan son dəqiqə qolu

Topaz Premyer Liqasında X tura start verilib.

Futbolxeber.az saytının məlumatına görə, ilk oyun günündə yalnız 1 qarşılaşma keçirilib. “Qarabağ” öz meydanında debütant “Səbail”i qəbul edib.

İlk yarının sonunda Aqollinin ikinci sarı vərəqə alaraq komandasını azlıqda qoymasına baxmayaraq, "Qarabağ" 90-cı dəqiqədə qələbə qolunu vurub.

Qeyd edək ki, turun digər matçları şənbə və bazar günü keçiriləcək.

Topaz Premyer Liqa

X tur

27 oktyabr

“Qarabağ” - “Səbail” 1:0

Qol: Əfran İsmayılov, 90

Hakimlər: Rəvan Həmzəzadə, İsgəndər Əliyev, Rahil Ramazanov, Ziya Nəsirov

Qırmızı vərəqə: Ansi Aqolli, 43 ("Qarabağ")

“Azersun Arena”

Qeyd edək ki, bu qələbə sayəsində “Qarabağ” 22 xalla çempionatın vahid lideridir. “Səbail” isə 9 xalla səkkizinci pillədə qərarlaşıb.